Вечерний Бобруйск — лучшая региональная газета Беларуси!

У выніку галасавання журы пераможцамі ў намінацыях сталі:

I. “Найлепшая рэгіянальная газета”

“Вечерний Бобруйск”

II. “Найлепшы інтэрнэт-сайт газеты

1 месца – intex-press.by

2 месца – rh.by

3 месца – kurjer.info

III. “Фотажурналістыка”

1 месца – Аляксандр Чугуеў, “Дом міру. Наш рэпартаж з бабруйскага хоспіса”,“Вечерний Бобруйск”.

2 месца Таццяна Плахетка (Дзенісюк), “Слонимская милиция не позволила массово покататься на санках”, “Газета Слонімская”.

3 месца – Уладзімір Амяльчэня, “З першых вуснаў пра бацькоўскія радасці”, “Інфа-Кур’ер”.

IV. “Гісторыя і краязнаўства”

1 месца – Вольга Шуманская: “Трэці помнік: без статусу і без аховы”, “Інфа-Кур’ер”.

2 месца – Уладзімір Скрабатун, “На рубяжы маскоўскім”, “Вольнае Глыбокае”.

3 месца – Міхась Міхалевіч, “Як білі кабана на Каляды”, “Рэгіянальная Газета”.

V. “Найлепшае журналісцкае расследаванне і зваротная сувязь з чытачамі”

1 месца – Ала Кавалёва (псеўданім – Ала Верстава), “Брестская газета”, серыя публікацый на адну тэму: “Перелицовка по живому”, “Туалеты без статуса”, “Ждите и вам ответят… Может быть!”

2 месца – Людміла Сцяцко, “Intex-Press”, “В чей асфальт закатают деньги барановичских автомобилистов?”

3 месца – Ганна Валадашчук, “Газета Слонімская”, “В Слонимском районе ни один независимый кандидат не прошёл в местные Советы депутатов” і

“Избирательная кампания по выборам депутатов в местные Советы завершилась. Кандидат в депутаты ставит под сомнение результаты выборов”.

VI. “Найлепшая сацыяльная акцыя газеты”

1 месца – “Вечерний Бобруйск”. (Дзяўчына-інвалід звярнулася ў “Вячорку” з просьбай дапамагчы ёй набыць электравазок. Яе ліст размясцілі на сайце газеты, неабыякавыя людзі адгукнуліся і сродкі былі сабраныя.)

2 месца – “Брестская газета”. (Рубрыка “Им нужны дом и забота”. Кожны нумар, пачынаючы з сакавіка 2013 года, “Брестская газета” публікуе інфармацыю пра жывёл, якія шукаюць гаспадароў. Зыходныя матэрыялы прадастаўляе Брэсцкае грамадскае аб’яднанне дапамогі жывёлам “Дабрыня”. За паўтара года дом знайшлі дзясяткі жывёл, апісанне і фотаздымкі якіх з’яўляліся на старонках газеты: Янка, Жанетта, Джэк, Віта, Мішаня, Бэці, Леля і інш. Прыклады публікацый: “Улыбчивый Волчок – ваш мистер Суперпозитив”, “Поручик Ржевский готов стать генералом в вашем доме!”

3 месца – “Ганцавіцкі час”. (Рэкі і азёры Ганцавіцкага раёна прыцягваюць рыбакоў з розных гарадоў Беларусі. Але з праблемай забруджвання прыбярэжных зон спраўляцца вельмі складана. Па ініцыятыве рэдакцыі “ГЧ”, якую падтрымалі два чалавекі з гуртка “Аквафил” (гэта вясковы музей рыбалоўства ў в. Лактышы), была праведзеная экалагічная акцыя і прыбраная тэрыторыя працягласцю 1,4 км каля возера Дзікае. Праз два тыдні там практычна смецця не было.)

VII. “Найлепшы відэаматэрыял на сайце газеты”

1 месца – Настасся Роўда, “Рэгіянальная газета”, “Раніца ў Камарове ў сям’і Масцяніцаў”

2 месца – Арцём Гарбацэвіч, Аляксандр Трыпуцька, “Intex-Press”, “Апытанне: Ці верыце вы, што беларусы п’юць больш за ўсіх у свеце?”

3 месца, Алег Рубчэня (псеўданім Алесь Дастанка): “Маленький Паваротти из Слуцка”.

VIII. “Культура”

1 месца – Алесь Красавін, “Вечерний Бобруйск”, “Абрам Рабкин. Завещание”.

2 месца – Мікалай Каранюхін, “Інфа-Кур’ер”, “Бяда ў нас, проста бяда”.

3 месца – Людміла Хмялеўская, “Информ-прогулка”, “Нашы землякі распрацавалі гульню пад незвычайны кантролер”.

IX. “Эканоміка і бізнес”

1 месца – Таццяна Гусева, “Інфа-Кур’ер”, “Чыноўнікам трэба даказаць, што я не дурань”.

2 месца – Юлія Палеская, “Ганцавіцкі час”, “Женщины на «Аластре» протестуют против задержки зарплаты”.

3 месца, Настасся Роўда, “Рэгіянальная газета”, “Гісторыя цэн на маладзечанскім рынку”.

X. “Соцыум. Грамадская журналістыка”

1 месца – два пераможцы:

1. Арцём Гарбацэвіч, “Intex-Press”, “Як бы не паехаць галавою”.

2. Вольга Шыракаступ, Intex-Press, “Учителя загнали в рамки”.

2 месца – Аляксей Шляхцін, “Газета Слонімская”, “Почему хвост виляет собакой”.

3 месца – Таццяна Гусева, “Жизнь в деревне. Сходить некуда, зато питание натуральное”.

КАМЕНТАРЫ:

Анджэй Пачобут, сябры журы: “Улічваючы ўмовы, у якіх існуюць нашы рэгіянальныя выданні, можна сказаць, што іх прафесійны ўзровень вельмі высокі. Некаторыя прадастаўленыя нам матэрыялы ўвогуле прэтэндуюць на самыя сапраўдныя адкрыцці, з’яўляюцца ўзорам сучаснай журналістыкі. Асабліва хачу адзначыць серыю артыкулаў у “Брестской газете”, прысвечаную рэканструкцыі Брэста. Пасля гэтага конкурсу асабіста я паглядзеў больш аптымістычна на будучыню нашай рэгіянальнай прэсы”.

Віктар Марчук, старшыня Асацыяцыі выдаўцоў рэгіянальнай прэсы: “Гэта быў ужо другі конкурс сярод сябраў нашай Асацыяцыі. І хачу сказаць, што ён пераўзышоў леташні і па колькасці ўдзельнікаў, і па якасці. Дарэчы, амаль усе сябры журы з’яўляюцца сябрамі ГА “Беларуская асацыяцыя журналістаў”, і мы вельмі ўдзячныя ёй за дапамогу ў правядзенні нашага конкурсу. Перакананыя, што рэгіянальныя СМІ становяцца з кожным годам цікавейшымі і мацнейшымі. Гэта адзначаюць нашы чытачы і гледачы (мы цяпер шмат увагі надаем мультымедыйнаму складніку)”.

Аляксандр Коктыш, сябра журы: “Гэтым разам было складаней судзіць, чым у мінулым годзе. І тут справа не толькі і не столькі ў павелічэнні аб’ёма матэрыялаў. Значна вырасла іх якасць. І асабіста для мяне было няпроста вызначыцца з пераможцамі сёлетняга конкурсу. Вельмі цешыць тая абставіна, што рэгіянальныя газеты сталі не проста больш прасунутымі і цікавымі, яны сталі больш уплывовымі ў сваіх рэгіёнах. З іх меркаваннем па самых балючых праблемах лічацца. І гэта тэндэнцыя, мне падаецца, з цягам часу становіцца толькі мацнейшай”.

Прэс-служба ГА “Беларуская асацыяцыя журналістаў”.